5 მითი პირში სუნთან დაკავშირებით

პირველი: ადამიანი ადვილად ამჩნევს, როდესაც პირში სუნი უჩნდება

ბევრს სჯერა, რომ შეუძლებელია, გამოეპაროს საკუთარი სუნი, თუ ცხვირ-პირს ხელისგულებით დაიფარავს და პეშვში ჩასუნთქავს. სამწუხაროდ, ასე არ არის. ჩვენ ვერ ვიგრძნობთ საკუთარ სუნს, იმიტომ, რომ ვეჩვევით მას. თანაც უსიამოვნო სუნი საუბრის დაწყებამდე იშვიათად შეიგრძნობა. საქმე ის არის, რომ იგი ენის ძირში წარმოიშობა და წინ მხოლოდ მაშინ გადმოდის, როდესაც ლაპარაკს დავიწყებთ. როგორ გავიგოთ, გვაქვს თუ არა სუნი პირში?

საუკეთესო გზაა, ვკითხოთ მეგობარს, რომელიც სიმართლეს არ დაგვიმალავს, მაგრამ თუ ეს ხერხი ხელს არ გაძლევთ, აიღეთ ბამბის ბურთულა (ან დოლბანდის ნაჭერი), გაიწმინდეთ ენის ძირი (ოღონდ ისე, რომ არ გამოიწვიოთ ღებინების რეფლექსი) და ბურთულა დაყნოსეთ. თუ უსიამოვნო სუნი იგრძენით, დაიწყეთ ენის სახეხის გამოყენება. ეს მარტივი მოწყობილობა მარტო ჯანსაღ სუნთქვას კი არ დაგიბრუნებთ, არამედ გემოვნებით შეგრძნებებსაც გაგიუმჯობესებთ. პირის ღრუში უსიამოვნო სუნის უფრო ზუსტი შეფასება შეიძლება სტომატოლოგისგან მივიღოთ. სპეციალისტი საამისოდ იყენებს მოწყობილობა ჰალიმეტრს. მისი მოქმედების პრინციპი მარტივია: პაციენტი ჩაბერავს მილში, რომელიც ჰალიმეტრთან არის შეერთებული, აპარატი კი განსაზღვრავს გოგირდის ნაერთების შემცველობას, რომელიც ამონასუნთქ ჰაერს უსიამოვნო სუნს აძლევს.

მეორე: პირის ღრუში უსიამოვნო სუნი კუჭისა და საჭმლის მომნელებელი სისტემის პრობლემების შედეგია

ზოგიერთი სპეციალისტი ამ მოსაზრებას არ ეთანხმება და ირწმუნება, რომ უსიამოვნო სუნი უმეტესად პირის ღრუს ცუდი ჰიგიენის შედეგია.

მესამე: პირის ღრუს ჰიგიენა უსიამოვნო სუნს აქრობს

სამწუხაროდ, ბევრი არასწორად იხეხავს კბილებს, თანაც ამ პროცედურას მხოლოდ 30-45 წამს უთმობს. რა გასაკვირია, რომ კბილების ზედაპირის ნაწილი – დაახლოებით 40 პროცენტი – გაუწმენდავი რჩება. მასზე დაგროვილი ბაქტერიები მრავლდებიან და გოგირდოვან ნივთიერებებს გამოყოფენ. სტომატოლოგები გვირჩევენ, ყოველი ჭამის შემდეგ საკვების ნარჩენები კბილის ძაფით მოვიცილოთ. შეარჩიეთ ისეთი ძაფი, რომელიც ადვილად სრიალებს კბილებს შორის და არ იჭედება. თუმცა უსიამოვნო სუნის პრობლემას ისიც შეიძლება შეეჯახოს, ვინც დიდხანს და გულმოდგინედ იხეხავს კბილებს. ამის მიზეზი ისევ და ისევ ბაქტერიებია, რომლებიც ენის ლორწოვანი შრის ქვეშ სახლობენ. გამოსავალი ერთია – ენის გაწმენდა.

მეოთხე: სავლები ეფექტური საშუალებაა უსიამოვნო სუნის გასაქრობად

ბევრს დღემდე სჯერა, რომ არომატული სავლები პანაცეაა. სამწუხაროდ, ასეთ საშუალებათა უმრავლესობა სუნს მხოლოდ 1-2 საათით ახშობს. მეტიც – სტანდარტულმა სავლებმა შესაძლოა პირის ღრუში სუნის წარმოქმნას ხელიც კი შეუწყოს. საქმე ის არის, რომ ასეთი საშუალებები შეიცავს სპირტს, რომელიც პირის ღრუს აშრობს, ბაქტერიები კი, რომლებიც გოგირდოვან ნივთიერებებს გამოიმუშავებენ, მშრალ გარემოში გაცილებით უკეთ გრძნობენ თავს. უმჯობესია, გამოიყენოთ ახალი თაობის სავლები, რომელიც ქლორის დიოქსიდზეა დამზადებული.

მეხუთე: პირიდან სუნის გასაქრობად საკვები არჩევითად უნდა მივირთვათ

პირის ღრუში სუნს ზოგიერთი საკვები მართლაც აჩენს. კერძოდ, პროდუქტი, რომელიც დიდი ოდენობით შეიცავს გოგირდს: ხახვი, კომბოსტო, ნიორი და სხვა. მათი შეჭმისას გოგირდოვანი კომპონენტები სისხლში ხვდება და მთელ ორგანიზმში, მათ შორის ფილტვებშიც მიმოიფანტება, ამიტომ ამოსუნთქვის დროს შესაძლოა პირიდან უსიამოვნო სუნი ამოვიდეს. მაგრამ როდესაც სუნი ქრონიკულია, საკვებს ვერ დავაბრალებთ – მიზეზი პირის ღრუში მობინადრე ბაქტერიების ცხოველმყოფელობაა. ამ შემთხვევაში საჭიროა არა რაციონის გადახედვა, არამედ ბაქტერიებთან ბრძოლა და პირის ღრუს ჯეროვანი ჰიგიენა.

წყარო: http://www.mkurnali.ge

  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

Funny Science

Exiting Things about Tech and Science

Emsheka's Blog

თავისუფალი ბლოგი.. :)

%d bloggers like this: